हालै माल्दिभ्सको मालेमा भएको एसियन सेन्ट्रल जोन भलिबल प्रतियोगितामा कांस्य जित्न सफल नेपाली पुरुष राष्ट्रिय टोलीलाई झापा निवासी खगेन्द्र फुयाल र पूर्व अन्तर्राष्ट्रिय भलिबल खेलाडी सरोज श्रेष्ठले बधाइ दिएका छन् । मंगलबार चियापान कार्यक्रम आयोजना गरी टोलीलाई ऐतिहासिक सफलताका लागि बधाइज्ञापन गरिएको हो । सो अवसरमा नेपाल राष्ट्रिय तथा अन्तर्राष्ट्रिय खेलाडी संघका पदाधिकारीले पनि टोलीलाई सफलताका लागि बधाइ दिएका थिए ।