जापानमा हुने दुइ छुट्टा छुट्टै तेक्वान्दो प्रतियोगिता सञ्चालन गर्न अन्तराष्ट्रिय तेक्वान्दो रेफ्रि रबिन मल्ल २१ तारिखमा त्यस तर्फ प्रश्थान गर्दै छन् । उनले २३ देखि २५ अप्रिलसम्म हुने १५ औ वाटा ओपन तेक्वान्दो च्याम्पियनसीप सञ्चालन गर्ने छन् । त्यसको लगत्तै उनले २६ देखि २८ अप्रिलमा हुने जापान ओपन तेक्वान्दो च्याम्पियनसीपमा रेफ्रिको भुमिका निर्बाह गर्ने छन् । पुम्से, क्योरोगी र हाङ्गमादाङ्गका अन्तराष्ट्रिय रेफ्रि रबिनले यस अघि इन्डियन ओपन र युपी चौथो अन्तराष्ट्रिय तेक्वान्दो च्याम्पियनसीप लगायत प्रतियोगिता सञ्चालन गरिसकेका छन् ।
राष्ट्रिय खेलकुद परिषद्मा प्रशिक्षकको रुपमा कार्यरत रबिनले बि.स २०५४मा स्थापन गरेको चम्पापुर तेक्वान्दो डोजाङ्गले प्रतियोगिता आयोजनामा पनि सफल मानीन्छ । सो डोजाङ्गे दुइ पटक उपत्याकाब्यापी दुइ पटक क्षेत्रीय र एक पटक आमन्त्रण तेक्वान्दो च्याम्पियनसीप आयोजना गरिसकेको छ । ३२ बर्ष अघि यस खेलमा प्रबेश गरेका रबिनले यसै बर्ष कोरियाबाट अन्तराष्ट्रिय रेफ्रि रिफ्रेसर कोर्ष पुरा गर्दै उनले पछिल्लो समय परिवर्तीत नियमका बारे अपडेट भएका हुन् ।