काठमाडौं जेभियर र लालीगुराँस नेसनल एकेडेमीले प्रथम हिमालयन कप अन्तरविद्यालय बास्केटबल प्रतियोगिताको जुनियर ब्वाइजतर्फ मंगलबार जित हात पारेका छन् । काठमाडौं जेभियरले आयोजक हिमालयन एकेडेमीलाई ११–९ तथा लालीगुराँसले रेडिअन्टलाई १६–१४ ले पराजित गरे । जुनियर ब्वाइजमै पिपुल्स एकेडेमीले द एक्सेल्सियर स्कुललाई ३०–१७ ले हरायो ।
सिनियर ब्वाइजमा होली भिजनले पुष्पसदनलाई ११–८, लभ्ली एन्जलले ग्रिन लन्सलाई १५–१०, कमलले वीर सेवालाई २६–११ र रेडिअन्टले क्याम्ब्रिजलाई ४०–२५ ले निराश पारे ।
सिनियर गल्र्समा स्वर्णिमले सिद्धार्थ बनस्थलीलाई ७–५ तथा एक्सेल्सियरले लिटिल बुद्धलाई २३–१४ ले पन्छाए ।