नेपाल कराते महासंघअन्तर्गतको हाइ स्कुल कराते केन्द्रीय कमिटीको आयोजनामा २२ औं अन्तर्राष्ट्रिय हाइ स्कुल कराते प्रतियोगिता शनिबारदेखि त्रिपुरेश्वरस्थित राष्ट्रिय खेलकुद परिषद्को कभर्डहलमा सुरु भएको छ । प्रतियोगिताको राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच उद्घाटन गरे । प्रतियोगितामा नेपालबाट ४ सय ८० र भारतबाट ४ सय खेलाडीको सहभागिता रहेको रेफ्री संयोजक राजेन्द्र कपालीले जनाएका छन् । तीनदिने प्रतियोगितामा ७९ स्पर्धामा प्रतिस्पर्धा हुनेछ ।