ओसिस्ले प्रथम सान यु–१६ इन्डो–नेपाल टी– २० क्रिकेट प्रतियोगितामा शुक्रबार विजयी सुरुआत गरेको छ । ओसिस्ले आयोजक नेपाल खेलकुद विज्ञान प्रतिष्ठान (सान) को नीलो टिमलाई ९ विकेटले पराजित ग¥यो ।पुल्चोक इन्जिनिएरिङ कलेजको मैदानमा भएको अर्को खेलमा जीएचसीएले बालुवाटार क्रिकेट एकेडेमीलाई १९ रनले हरायो ।
प्रतियोगिताको राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच उद्घाटन गरे । प्रतियोगितामा भारतको एक टिमसहित १२ टिम सहभागी छन् । फाइनल जेठ २८ गते हुनेछ ।