चौथो नेपाल जुनियर ओपन लन टेनिस च्याम्पियनशिप मंगलबारबाट सुरु भएको छ । नेपाल जुनियर ओपन लन टेनिस च्याम्पियनशिपले आयोजना गरेको यस प्रतियोगिता अन्तर्गत मंगलबार भएको पहिलो दिनको खेलमा अन्डर–९, १० र १२ वर्ष उमेर समूहका खेलाडीहरुले प्रतिस्पर्धा गरेका थिए । सातदोबाटोस्थित लन टेनिस कोर्टमा खेलिएको महिला अन्डर–९ उमेर समूहको सेमिफाइनलमा आध्या लोहा पौडयालले तिसा श्रेष्ठलाई तथा नला जे मास्केले नाभिका श्रेष्ठलाई पराजित गरिन् । सोही उमेर समूहको पहिलो चरण अन्तर्गत पुरुषतर्फ ह्ध्भििक कार्कीले पनि आयुष्मान घलेलाई हराए । यस्तै अन्डर–१० उमेर समूहको पहिलो चरणमा आरभ हाडा, सक्षम शाह, नुबाश रावत, आयुष्मान घले, सरोज लामा, प्रसिद्ध बस्नेत, राजबीर प्रधान र प्रणव मानन्धरले जित हात पारे ।
यसैगरी अन्डर–१२ को पहिलो चरण अन्तर्गत महिला एकलतर्फ मंगलबार भएको एक मात्र खेलमा तासी चोमा गुरूंगले रोजा श्रेष्ठलाई हराइन् । यसअघि प्रतियोगिताको उद्घघाटन अल नेपाल लन टेनिस एसोसिएसनका महासचिव मनोहर दास मूल तथा नेपाल जुनियर ओपन लन टेनिस च्याम्पियनशिपका अध्यक्ष अजय विष्टले गर्नु भएको थियो । जुन २० देखि २४ सम्म हुने यस प्रतियोगितामा ८ देखि १८ वर्ष उमेर समूहका खेलाडीहरुले प्रतिस्पर्धा गरिरहेका छन् ।