नवौं मध्यमाञ्चल क्षेत्रीय राष्ट्रपति रनिङ सिल्ड अन्तर्गत त्रपुरेश्वरको दशरथ रंगशालस्थित केन्द्रीय डोजोमा भएको करातेमा ३ स्वर्ण, २ रजत र १ कांस्यसाथ काठमाडौंले उपाधि हात पा¥यो । २ स्वर्ण, ३ रजत र २ कांस्यमा काभ्रे दोश्रो भयो भने तेश्रो स्थानमा रहेको भक्तपुरले २ स्वर्ण, १ रजत र २ कांस्य जित्यो । पुरुषको ४२ केजीमा भक्तपुरका एरिश शर्मा, ४७ केजीमा काभ्रेका साजन लामा र ५२ केजीमा काभ्रेकै केलकुमार घलानले पहिलो स्थान हात पारे ।
महिलाको ४० केजीमा जिया खड्गी, ४५ केजीमा चितवनकी बुद्धलक्ष्मी तामाङ र ५० केजीमा काठमाडौंकी शान्ति तामाङले स्वर्ण जिते । भक्तपुरका एरिश तथा काठमाडौंकी जियाले एकल कातामा पनि पहिलो स्थान हात पार्दै दोहोरो स्वर्ण प्राप्त गरे ।