साइपाल एकेडेमी प्रथम यु–१८ एन्जल्स हर्ट कप बास्केटबल प्रतियोगिताको गल्र्सतर्फ शनिबार फाइनलमा प्रवेश गरेको छ । पाँच टिम सहभागी गल्र्सको राउन्ड रोविन लिगमा एक खेल अगावै साइपाल फाइनलमा स्थान सुरक्षित गर्न सफल भयो । साइपालले जेभियर इन्टरनेसनल कलेजलाई ३२–१६ अंकले पराजित ग¥यो । साइपालको जितमा रोशनी श्रेष्ठले ११ अंक योगदान गरिन् । गल्र्सकै अर्को खेलमा नासाले एनसीसीएसलाई ३९–१३ ले हरायो । नासाकी साधना घिसिङले ११ स्कोर गरिन् । अब नासा र आयोजक एन्जल्स हर्टबीच आइतबार हुने खेलमा जित हात पार्ने टिम फाइनलमा पुग्ने छ । ब्वाइजको समूह चरणको खेलमा ट्रिनिटी इन्टरनेसनल कलेज र क्यापिटल कलेज एन्ड रिसर्च सेन्टर (सीसीआरसी) ले सफलता पाए । विशाल बुढाथोकीको १५ अंक सहयोगमा ट्रिनिटीले ज्ञान निकेतनलाई ७६–३६ को फराकिलो अन्तरले पन्छायो । सीसीआरसीले टाइम्सलाई ४७–४४ ले पाखा लगायो । सीसीआरसीका रोजेश खनालले १० अंक जोडे ।