श्रीदिवा इन्टरनेसनल स्कुलको आयोजनामा ११ औं श्रीदिवा मन्सुन मिट अन्तरविद्यालय बास्केटबल प्रतियोगिता शनिबारदेखि हुने भएको छ । प्रतियोगिताको सिनियर ब्वाइजमा १६ तथा गल्र्समा १२ टिम सहभागी हुने श्रीदिवाका प्रिन्सिपल प्रवीण मोक्तानले जनाएका छन् । दुवै समूहमा सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ । समूहको शीर्ष दुई टोली क्वाटरफाइनलमा प्रवेश गर्नेछन् । ब्वाइजमा हिमालय ह्याप्पी चिल्ड्रेन एकेडेमी (एचएचसीए) र गल्र्समा रिलायन्स रेसिडेन्सियल स्कुल डिफेन्डिङ च्याम्पियन हुन् । छदिने प्रतियोगिताको खेलहरु हाडीगाँउस्थित आयोजककै कोर्टमा हुनेछ ।