नेपालले दोश्रो दक्षिण एसियाली भेट्रान टेबलटेनिस प्रतियोगिताको ५० वर्षमाथि पुरुष टिम इभेन्टमा कांस्य जितेको छ ।
श्रीलंकाको कोलम्बोमा जारी प्रतियोगिताको सेमिफाइनलमा नेपाल आयोजक राष्ट्र श्रीलंकासंग ३–१ ले पराजित भएपछि कांस्यमा सीमित भयो । नेपालसहित माल्दिभ्स, भारत, पाकिस्तान र श्रीलंका गरी ५ राष्ट्र सहभागी प्रतियोगितामा नेपालले त्यसअघि भारतको तामिलनाडु र मेघालयको टिमलाई पराजित गरेको थियो ।