श्रीदिवा र इनोभेटिभ फाइनलमा आयोजक श्रीदिवा इन्टरनेसनल स्कुल र इनोभेटिभ ११ औं श्रीदिवा मन्सुन मिट अन्तरविद्यालय बास्केटबल प्रतियोगिताको गल्र्सतर्फ शनिबार फाइनलमा प्रवेश गरेका छन् । श्रीदिवाले स्किब्सलाई ४४–२७ ले पराजित ग¥यो । श्रीदिवाकी छेवाङ शेर्पाले २४ अंक जोडिन् । ममता गुरुङको १३ अंक सहयोगमा इनोभेटिभले डाफोडिललाई ३३–१७ ले सहजै हरायो । ब्वाइजमा ज्ञान निकेतन र डिफेन्डिङ च्याम्पियन एचएचसीए उपाधिका लागि भिड्ने छन् । ज्ञान निकेतनले इनोभेटिभलाई ५०–४१ ले पाखा लगायो । विजेताका भूमि सम्राटले १७ स्कोर गरे । एचएचसीएले ओडिसी इन्टरनेसनल एकेडेमीमाथि ६६–४५ को जित दर्ता ग¥यो । एचएचसीएको जितमा विशाल राईले सर्वाधिक २९ अंक जोडे । फाइनल आइतबार हुनेछ ।