६ पटककी राष्ट्रिय च्याम्पियन टेबलटेनिस खेलाडी नवीता श्रेष्ठ कोचेज सर्टिफिकेसन प्रोग्राममा सर्वोत्कृष्ट भएकी छन् । राष्ट्रिय खेलकुद परिषद् (राखेप) अन्तर्गत नेपाल खेलकुद विज्ञान प्रतिष्ठान (सान) ले आयोजना गरेको उक्त प्रोग्राममा विभिन्न ९ खेलका सहभागी १ सय ६२ मध्ये नवीता सर्वोत्कृष्ट बनेकी हुन् ।
सहभागी मध्ये उत्तीर्ण हुन सफल १ सय २५ लाई राखेपका सदस्य–सचिव केशवकुमार विष्टले प्रमाण पत्र प्रदान गरे । त्यस अवसरमा सदस्य–सचिव विष्टले नवीतालाई सर्वोत्कृष्ट भएवापत नगद १० हजारबाट पुरस्कृत गर्ने घोषणा गरे ।