नेपाल सितोरियो कराते संघ, चिकंमुगल शाखा डोजोको आयोजनामा खुला दक्षिण एसियाली टुरिजम कप कराते प्रतियोगिता मंसिर २७, २८ र २९ गते आयोजना हुने भएको छ । यस अघि साउन १५ गतेदेखि हुने भनिएकोमा प्राविधिक कारणले प्रतियोगितालाई मंसिरमा सार्नु परेको आयोजक संस्थाका अध्यक्ष सन्जय रञ्जितले जानकारी गराए ।
प्रतियोगितामा पुरुषतर्फ १० र महिलामा ९ गरी १९ स्पर्धामा प्रतिस्पर्धा हुने आयोजकका अध्यक्ष रन्जितले जनाएका छन् । नेपाल, भारत, श्रीलंका, बंगलादेश, पाकिस्तान र भुटानबाट १ सय ३८ खेलाडीले भाग लिने बताइएको छ । सबै राष्ट्रबाट राष्ट्रिय टिमका खेलाडीको सहभागिता रहने अध्यक्ष रन्जितले जानकारी दिए ।तीनदिने प्रतियोगिताका खेलहरु त्रिपुरेश्वरस्थित राष्ट्रिय खेलकुद परिषद्को कभर्डहलमा हुनेछ । प्रतियोगिता सञ्चालन गर्न करिब ३० लाख खर्च हुने आयोजकले जनाएको छ ।