तेक्वान्दो प्रशिक्षक नबीन कुमार श्रेष्ठ उज्वेकिस्तानको तासकन्दमा हुने प्रथम डब्लुटिएफ प्रेसिड्न्ट कप अन्तराष्ट्रिय तेक्वान्दो प्रतियोगिता सञ्चालन गर्न बुधबार त्यस तर्फ प्रस्थान गरेका छन् । ११ देखि १३ अगस्टसम्म सञ्चालन हुने यो प्रतियेगिता जि टु तहको अन्तराष्ट्रिय प्रतियोगिता हो । नेपाली तेक्वान्दोको सबैभन्दा प्रभावकारी र पायनीयर शक्ति कोटेश्वर तेक्वान्दो डोजांगका प्रमुख नबीन पूर्व राष्ट्रिय खेलाडी समेत हुन् । नेपाली खेलकुदमा खेलाडी, प्रशिक्षक र निर्णायक तीनै क्षेत्रमा माथिल्लो उचाइ पाउने दक्ष ब्यक्तिको रुपमा नबीनको भिन्न परिचय बनेको छ ।