नालान्डा, इनोभेटिभ र निम्सले पाँचौं रेडिअन्ट कप अन्तरविद्यालय बास्केटबल प्रतियोगिताको सिनियर ब्वाइजमा शुक्रबार जित हात पारेका छन् । नालान्डाले जेनिथलाई २६–१९ ले पराजित ग¥यो । नालान्डाका सञ्जोग थापाले ७ अंक जोडे । इनोभेटिभले विल्सन एकेडेमीलाई ३३–१९ ले हरायो । इनोभेटिभको जितमा अनिश महर्जनले १४ अंक योगदान गरे । डिफेन्डिङ च्याम्पियन निम्सले ज्ञानमालामाथि ३५–२२ को जित रच्यो ।
सिनियर ब्वाइजकै लिग खेलमा महामञ्जुश्रीले ज्योति एकेडेमीलाई ३६–११ ले सहजै पन्छायो । विजयी टिमका लागि रोजिल चौधरीले १० अंक जोडे ।
जुनियर ब्वाइजमा हर्टल्यान्ड र आयोजक रेडिअन्ट पब्लिक बोर्डिङ स्कुलले सफलता आत्मासात् गरे । हर्टल्यान्डले इनोभेटिभलाई ८–२ ले पाखा लगायो । विजेताका विकासले ४ स्कोर गरे । रेडिअन्टले नवज्योतिको चुनौती २५–१६ ले पन्छायो । रेडिअन्टका शिव शाहले ६ अंक जोडे ।