धापासी देउराली र बाल प्रेमी खेलकुद मण्डलले उत्तरभेगीय गजराज जोशी स्मृति फुटबल प्रतियोगितामा शनिबार जित हात पारेको छ ।
श्री भगवती क्लबद्वारा आयोजित प्रतियोगितामा धापासीले गोलढुंगा युथ क्लबलाई २–१ गोलले पराजित ग¥यो । विजयी टिमका लागि विशाल बुढाथोकी र धीरेन्द्र शाहीले गोल गरे । गोलढुंगाबाट रविन खनालले सान्त्वना गोल गरे ।
टोखामा भएको अर्को खेलमा बाल प्रेमीले नर्थ भ्याली युनाइटेडलाई ४–१ गोलअन्तरले हरायो । विजेताका आशिष डंगोलले २ तथा साजन डंगोल र विजय श्रेष्ठले १–१ गोल गरे । नर्थबाट सविन खड्काले सान्त्वना गोल फर्काए । लिग कम नकआउट आधारमा सञ्चालित प्रतियोगिताको विजेताले १ लाख र उपविजेताले ५० हजार नगद पुरस्कार पाउने छन् । विधागत उत्कृष्टमा छ खेलाडीलाई जनही ५ हजार नगद पुरस्कार प्रदान गरिनेछ ।