खेलकर्मीहरुलाई पनि देशको राजनितीले प्रभाव पार्ने क्रम यथाबत रहेको छ । यसैक्रममा विगतमा नेपाली कांग्रेसको राजनितीमा प्रभाव राखेका तथा सिन्धु काठमाडौ सम्पर्क समितीमा बरिष्ठ उपाध्यक्षको भुमिका समेत निभाएका नेपाल सोतोकान कराते संघका मुख्य प्रशिक्षक तथा उद्धमी श्याम शेर्पा एमाले प्रबेश गरेका छन् । उनी सहित पूर्व गावीस अध्यक्ष तथा ब्यबसायी अमृत खड्का, पूर्व सिन्ुपालचोक तरुणदल अध्यक्ष तथा उद्धमी दोर्जे लामा र ब्यबसायी विष्णु श्रेष्ठ पनि एमाले प्रवेश गरेका छन् । एमाले मुख्यालय धुम्बाराहीमा सोमबार बिहान आयोजित कार्यक्रममा एमाले वरिष्ठ नेता माधवकुमार नेपालले लामा सहितको टोलीलाई एमालेमा स्वागत गरेका हुन् ।
कार्यक्रममा एमाले अनुशासन आयोगका अध्यक्ष अमृतकुमार बोहोरा, स्थायी समिति सदस्य सुरेन्द्र पाण्डे र बागमती अञ्चल संयोजक अरुण नेपालले नवप्रवेशीहरुलाई स्वागत गरेका थिए ।