टाइम्स र न्यु जेनिथ आठौं बर्नहार्ट कप अन्तरकलेज बास्केटबल प्रतियोगिताको ब्वाइजमा सोमबार प्रिक्वाटरफाइनलमा प्रवेश गरेका छन् । टाइम्सले ज्ञान निकेतनलाई ४८–४२ ले पराजित ग¥यो । टाइम्सका निमा तेन्जिङले १८ अंक जोडे । अनिक केसीको १९ अंक सहयोगमा न्यु जेनिथले साउथ वेस्टर्नलाई ३९–३४ ले हरायो ।
ब्वाइजमै लिभरपुलले एसियनलाई ८१–२३, ग्रिनफिल्डले लिटिल एन्जल्स (एलए) लाई ३९–३२ तथा ह्वाइटहाउसले नाइटिङगेललाई ३९–२८ ले निराश पारे । लिभरपुलका ईश्वर सापकोटाले २३, ग्रिनफिल्डका स्पोट केसीले ११ र ह्वाइट हाउसका सुरज बस्नेतले १० अंक जोडे ।
काठमाडौं बर्नहार्ट कलेजद्वारा आयोजित प्रतियोगिताको गल्र्समा जेभियर इन्टरनेसनल कलेजले विजयी सुरुआत गरेको छ । जेभियरले एलएमाथि ५४–११ को सहज जित दर्ता ग¥यो । जेभियरकी लक्ष्मी चौधरीले ११ अंक जोडिन् ।