इनोभेटिभ इङलिस स्कुल चौथो बृहस्पति कप अन्तरविद्यालय मिनी बास्केटबल प्रतियोगिताको गल्र्समा बुधबार क्वाटरफाइनलमा प्रवेश गरेको छ । नक्सालस्थित बृहस्पति विद्या सदनको आयोजनामा भइरहेको प्रतियोगितामा इनोभेटिभले अक्षरा स्कुललाई ३७–१३ ले सहजै पराजित ग¥यो । इनोभेटिभकी कृपा श्रेष्ठले १२ अंक जोडिन् ।
गल्र्समै भ्याली पब्लिक र एलआरआईले पनि क्वाटरफाइनल यात्रा तय गरे । भ्याली पब्लिकले सेन्ट जेभियर्सलाई २२–८ ले हरायो । भ्याली पब्लिकको जितमा सुमिना क्षेत्रीले ६ अंक जोडिन् । एलआरआईले ओलम्पिया वल्र्ड स्कुललाइ २९–१० ले निराश पा¥यो । विजेताकी मिङमा शेर्पाले १० अंक बटुलिन् ।
उक्त खेलसंगै गल्र्सको क्वाटरफाइनल समीकरण पूरा भएको छ । क्वाटरफाइनल द चाँदबाग स्कुल ‘बी’ र श्रीदिवा इन्टरनेसनल स्कुल, चाँदबाग ‘ए’ र इनोभेटिभ, एलआरआई र संसकृति तथा भ्याली पब्लिक र आयोजक बृहस्पति ‘बी’ बीच हुनेछ ।
ब्वाइजमा बाबा, सेन्ट जेभियर्स र स्वर्णिमले क्वाटरफाइनल यात्रा तय गरे । नरेश नेपालीको १० अंक सहयोगमा बाबाले लिटिल एन्जल्समाथि २८–२६ को कठिन जित रच्यो । सेन्ट जेभियर्सले एलआरआईलाई १२–९ ले पन्छायो । विजेताका बेबिनजंग थापाले १४ स्कोर गरे । दिपेश गुरुङको १६ अंक सहयोगमा स्वर्णिमले नालान्दालाई २९–१२ ले पराजित ग¥यो । ब्वाइजको पनि क्वाटरफाइनल समीकरण तयार भएको छ । क्वाटरफाइनलमा स्वर्णिमको भेट चाँदबागसंग हुनेछ भने सेन्ट जेभियर्सले बाबा विरुद्ध प्रतिस्पर्धा गर्नेछ । बाँकी क्वाटरफाइनल एन्जल्स हार्ट र नालान्दा तथा पुष्पसदन र एलआरआईबीच हुनेछ ।