आयोजक ग्रिनफिल्ड नेसनल स्कुलले छैटौं ग्रिनफिल्ड कप अन्तरविद्यालय बास्केटबल प्रतियोगिताको सिनियर ब्वाइजमा बिहीबार विजयी सुरुआत गरेको छ । ग्रिनफिल्डले पिपुल्सलाई ३२–२५ ले पराजित ग¥यो । ग्रिनफिल्डको जितमा राज लामाले ९ अंक योगदान गरे । सिनियर ब्वाइजकै अन्य खेलमा गौरीशंकरले वीरसेवालाई ४९–२९, न्यु जेनिथले अरुणोदयलाई १८–१३ तथा हार्टल्यान्डले ग्रिन लनलाई २६–१३ ले हराए । गौरीशंकरका सन्जोक श्रेष्ठले १४, न्यु जेनिथका दीपेश महर्जनले ८ र हार्टल्यान्डका अतिश चौधरीले १० स्कोर गरे ।
जुनियर ब्वाइजमा ग्रिनफिल्डले जेनिथमाथि ३७–९ को सहज जित दर्ता ग¥यो भने रेडिअन्ट पब्लिक बोर्डिङ स्कुलले बर्नहार्टलाई २९–१३ ले पन्छायो । ग्रिनफिल्डका महेश दाहालले ११ तथा रेडिअन्टका प्रत्युश पौडेलले १३ अंक जोडे ।
सिनियर गल्र्समा हिमालयन एकेडेमीले हार्टल्यान्डलाई ११–२ ले पाखा लगायो । हिमालयनकी ममता श्रेष्ठले ९ अंक जोडिन् ।
प्रतियोगिताको नागार्जुन नगरपालिका वडा नं. ४ का अध्यक्ष करुण बलामीले एक कार्यक्रमबीच उद्घाटन गरे । प्रतियोगिताअन्र्गत सिनियर ब्वाइजमा १६, जुनियर ब्वाइजमा १२, सिनियर गल्र्समा १४ र स्टाफमा ८ गरी ४० टिम सहभागी छन् ।