नेपाल वादोरियो रेन्मई सुन्डोजोकु कराते संघले अन्तर्राष्ट्रिय प्रतियोगितामा पदक जित्न सफल आफ्ना खेलाडीलाई शनिबार सम्मान गरेको छ ।
संघले विजयादशमी तथा शुभदिपालीका अवसरमा शुभकामना आदान–प्रदान गर्न आयोजना गरेको कार्यक्रममा पदक विजेता उमेश तामाङ, दीपक तामाङ, उषा शर्मा, सरोज पाख्रिन, युभिका राई, जुनु राना मगर र निमा लामालाई सम्मान गरेको हो । सोही अवसरमा प्रशिक्षक राजकुमार नगरकोटी तथा अखिल नेपाल खेलकुद महासंघको सचिवमा चयन भएका प्रनिर अधिकारीलाई पनि सम्मान गरिएको थियो । राष्ट्रिय खेलकुद परिषद्का सदस्य–सचिव केशवकुमार विष्टले उनीहरुलाई सम्मान पत्र प्रदान गरी सम्मान गरे ।