आइडब्लुएफ कराते डो संघ ललितपुरले मित्र राष्ट्र भारतको हरियानामा आयोजना हुने इन्डो नेपाल अन्तरास्ट्रिय कराते प्रतियोगितामा सहभागि हुने आफ्ना जिल्लाका खेलाडीलाई विदाई गरेको छ । प्रतियोगितामा नेपालको तर्फबाट ललितपुर जिल्लाका पुष्पराज नेगी २० केजि, उत्तम लामा ४५ केजि, आशिष दराई ५५ केजी, दावा छिरीङ तामाङ ६० केजि, शुभ सिल्वाल ६५ र सोनम थिङ ७० केजी तौल समुहमा प्रतिष्पर्धा गर्ने छन् । २७ देखि २९ अक्टोबरसम्म संघका केन्द्रीय सदस्य एवम् प्रशिक्षक बुद्धराज नेगी र चिन लामाले निर्णायकको भुमिका निर्वाह गर्ने छन् । बिदाई कार्यक्रममा समाजसेवी प्रभाकार थापाले खेल सामाग्री हस्तान्तरण गरे । संघका जिल्ला अध्यक्ष प्रविण स्याङतान, महांकाल शाखा प्रमुख प्रशिक्षक जिरामान स्याङतान लगायतले खेलाडीहरुलाई राष्ट्रिय झण्डा प्रदान गरि विदाई गरे ।