आयोजक ज्ञान निकेतन र प्राइमले १६ औं ज्ञान निकेतन कप बास्केटबल च्याम्पियनसिपको प्लस टु ब्वाइजतर्फ आइतबार जित हात पारेका छन् ।
ज्ञान निकेतनले रोज बडलाई ४६–३३ ले पराजित ग¥यो । विजेताका युबिक खत्रीले २५ अंक जोडे । प्रज्ज्वल महर्जनको २० अंक सहयोगमा प्राइमले सीसीआरसीलाई ५२–४१ ले हरायो ।
प्लस टु को ब्वाइजमै जेभियरले ग्रिनफिल्डलाई ५३–५१ तथा गोल्डेनगेटले बर्न हार्टलाई ३७–२८ ले पन्छाए । जितमा जेभियरका सुनील थापाले १२ तथा गोल्डेनगेटका चिरन्जिवी रोकायाले १० अंक योगदान गरे ।
दोश्रो माफ अन्तरविद्यालय बास्केटबलको सिनियर गल्र्समा लाइसियमले बेबिलनलाई १६–१० कन्स्टिलेसनले न्यु अरुणोदयलाई १२–६, ज्ञान निकेतनले जगत मन्दिरलाई २१–१२ तथा सम्भावीले विज किड्सलाई १८–१२ ले पन्छाए । लाइसियमकी नन्दनी कर्णले १०, कन्स्टिलेसनकी कविता तामाङले ४, ज्ञान निकेतनकी डेजी कार्कीले १६ र सम्भावीकी झरना बुढाथोकीले १५ स्कोर गरे ।