पीएफए अत्तरिया ग्यालेक्सी पव्लिक स्कुल फारवेष्ट पशुपति कपको फाईनल पुगेको छ । धनगढी रंगशालमा भईरहेको तेश्रो संस्करणको ग्यालेक्सी पव्लिक स्कुल फारवेष्ट पशुपति कप फुटवल प्रतियोगिताकोे पहिलो सेमिफाईनलमा सुदुरपश्चिम ११ स्पोर्टस क्लवलाई १–० ले हराउदै उपाधि नजिक पुगेको हो । दोस्रो हाफको २६ औं मिनेटमा मनीराम चौधरीले गोल गरे । उनको प्रहार वारमा लागेर गोलमा परिणत भएको हो ।
सुदुरपश्चिम ११ स्पोर्टस क्लवले दोस्रो हाफमा पाएका धेरै मौकाहरु चुकाएको थियो । खेलमा उत्कृष्ट प्रदर्शन गरेका पिएफए अत्तरीयाका विश्व अधिकारी म्यान अफ द म्याच भए ।
निकै प्रतिस्पर्धात्मक खेलमा जित हात पारेको खुशी व्यक्त गर्दै पिएफए अत्तरीयाका प्रशिक्षक सन्तोष भट्टले उपाधि जित्ने दावी गरे । सुदुरपश्चिम ११ का प्रशिक्षक ललीत चन्दले भाग्यले साथ नदिएका कारण सजिलै गोल गर्न सकिने मौकाहरु चुकेकोले हार व्यहोरेको वताए ।
२८ मंसीर देखि सुरु भएको प्रतियोगिताको दोस्रो सेमिफाईनलमा भोली आयोजक फारवेष्ट पशुपति युवा क्लव र न्यु वुद्ध युवा क्लव फुलवारी प्रतिस्पर्धा गर्नेछन । झण्डै ५ लाख नगद पुरस्कार राशी रहेको फारवेष्ट पशुपति कपको विजेताले नगद तीन लाख र उपविजेताले नगद डेढ लाख प्राप्त गर्नेछन । विभिन्न ५ विधामा उत्कृष्ट खेलाडीहरुले जनही १०÷१० हजारका दरले नगद पुरस्कार पाउनेछन । प्रतियोगिताको फाईनल पुस ८ गते शनिवार धनगढी रंगशालामा हुने आयोजक फारवेष्ट पशुपति युवा क्लवका अध्यक्ष खेलम रावतले जानकारी दिए।