अमेरिकाको देलावारमा हालै सम्पन्न र्वल्ड मार्सल आर्ट्स ट्रीपल थ्रेट मार्सल आर्ट्स गेम्श २०१९ मा नेपालका पूर्व अन्तर्राष्ट्रिय खेलाडी एवं नेपाल कुङफू संस्थापक मास्टर सुनिल शाक्यले कुङफू, तेक्वान्दो, वेपन्स र टिम फम्स गरी चार भिन्न विधाको ब्ल्याक बेल्ट तहमा मा उत्कृष्ट प्रदर्शन गर्दै ४ स्वर्ण जित्न सफल भए ।

उनका छोरा स्यालओन शाक्यले कुङफू, तेक्वान्दो,वेपन्स, सपाइरिङ र ब्रेकिङको इन्टरमिडिएट तहमा तीन स्वर्ण र २ रजत पदक जिते। कुनै पनि प्रतियोगितामा खाली हात नफर्केका स्यालओनले जितलाई निरन्तरता दिँदै ओपन सिटी क्लासीक मार्सल आर्ट्स च्याम्पियनसिपमा पनि १ स्वर्ण र १ रजत हात पार्न सफल भएका हुन् ।