नेपाल एपीएफ क्लबको कभर्डहलमा जारी ‘एघारौं राष्ट्रव्यापी कृष्णमोहन स्मृति खुल्ला ब्याडमिन्टन प्रतियोगिता–२०७१’ अन्तर्गत शुक्रबार भएको पुरुष एकलतर्फको खेलमा त्रिभुवन आर्मी क्लबका रत्नजीत तामाङ्गले एपीएफका सुदिप सेढाईलाई २१–१० र २१–१ ले, एपीएफका साजनकृष्ण ताम्राकारले नेपाल पुलिस क्लबका विष्णु कटवाललाई २१–१८ र २१–१२ ले र  त्रिभुवन आर्मी क्लबका दिपेश धामीले सोही क्बलका नविन श्रेष्ठलाई २१–१७, २५–२७ र २१–१३ ले हराए ।  त्रिभुवन आर्मी क्लबकै विकास श्रेष्ठले नेपाल पुलिस क्लबका विजित थापामगरलाई २४–२२ र २१–१० ले पराजित गरे । यी चारै खेलाडी सेमिफाइनलमा प्रवेश गरेका छन् ।
यसैगरी महिला एकलतर्फको खेलमा त्रिभुवन आर्मी क्लबका नङशलदेवी तामाङ्गले नेपाल पुलिस क्लबका शोभा गौचनलाई २१–१२ र २१–१३ ले, त्रिभुवन आर्मी क्लबकै अमिता गिरीले सोही क्लबका सुनैना मुखियालाई २१–११ र २१–१६ ले तथा त्रिभुवन आर्मी क्लबकै सरादेवी तामाङ्गले सोही क्लबका जेसिका गुरुङ्गलाई २१–१४ र २१–१० ले पराजित गरी सेमीफाइनलमा प्रवेश गरेका छन् । सोही इभेन्ट्मा एपीएफका शिक्षा श्रेष्ठले बाँकेका नेरी थापाबाट रिटायर्ड हर्ट पाई सेमिफाइनलमा प्रवेश गरेकी छन् ।
यसैगरी १७ वर्ष मुनीका पुरुष एकलतर्फको खेलमा एपीएफका नीरबिक्रम देवकोटाले सिन्धुपाल्चोकका अभिषेक गुरुङ्गलाई २१–१७, १६–२१ र २१–१७ ले, बाँकेका रियाज अन्सारीले त्रिभुवन आर्मी क्लबका विशाल तामाङ्गलाई २१–१७ र २१–१७ ले, कैलालीका गौतम कठायतले नेपाल प्रहरी विद्यालयका प्रिन्स दाहाललाई २१–१० र २१–१३ ले तथा त्रिभुवन आर्मी क्लबका नविन श्रेष्ठले सोही क्लबका अनिश श्रेष्ठलाई  १३–२१, २१–१८ र २१–१७ ले पराजित गरी सेमिफाइनलमा प्रवेश गरेका छन् ।
यसैगरी १७ वर्ष मुनीका महिला एकलतर्फको खेलमा कञ्चनपुरका रन्जना भट्टले त्रिभुवन आर्मी क्लबका रशिला महर्जनलाई २३–२१ र २१–९ ले, त्रिभुवन आर्मी क्लबका मेघा चन्दले कैलालीका प्रार्थना देउवालाई २१–११ र २१–६ ले, त्रिभुवन आर्मी क्लबकै सुनैना मुखियाले झापाका श्वेता गिरीलाई २१–११ र २१–११ ले तथा त्रिभुवन आर्मी क्लबका जेसिका गुरुङ्गले कैलालीका अम्बिका मल्ललाई २१–१० र २१–२ ले पराजित गरी सेमिफाइनलमा प्रवेश गरेका छन् ।
यसैगरी पुरुष युगलतर्फको खेलमा त्रिभुवन आर्मी क्लबका सुरज महर्जन र दिपेश धामीको जोडीले एपीएफका रमेश शेर्पा र महेन्द्र ढकालको जोडीलाई २१–१२ र २१–६ ले तथा  त्रिभुवन आर्मी क्लबकै रत्नजीत तामाङ्ग र राम राईको जोडीले एपीएफका सुदिप सेढाई र साजनकृष्ण ताम्राकारको जोडीलाई २१–२३, २१–१७ र २१–१८ ले हराए ।  त्रिभुवन आर्मी क्लबका विकास श्रेष्ठ र नविन श्रेष्ठको जोडीले नेपाल पुलिस क्लबका विष्णु कटवाल र विजित थापामगरको जोडीलाई २१–१२, १७–२१ र २१–१० ले तथा एपीएफका विशाल प्रधान र विमल श्रेष्ठको जोडीले कास्कीका विशाल खड्का र शम्भु श्रेष्ठको जोडीलाई २१–१६, १६–२१ र २१–१९ ले पराजित गरी सेमिफाइनलमा प्रवेश गरेको छ ।
यसैगरी महिला युगलतर्फको खेलमा त्रिभुवन आर्मी क्लबका नङशलदेवी तामाङ्ग र सरादेवी तामाङ्गको जोडीले भक्तपुरका संगिता बुढा र रमा मताङ्गको जोडीलाई २१–४ र २१–३ ले तथा  एपीएफका शिक्षा श्रेष्ठ र प्रतिभा गुरुङ्गको जोडीले त्रिभुवन आर्मी क्लबका अमिता गिरी र अनु राईको जोडीलाई २१–१६, १९–२१ र २१–१४ ले हराए । त्रिभुवन आर्मी क्लबका सुनैना मुखिया र मेघा चन्दको जोडीले नेपाल पुलिस क्लबका शोभा गौचन र मनुशा राईको जोडीलाई २१–१६ र २३–२१ ले पराजित गरी सेमिफाइनलमा प्रवेश गरेको छ भने सोही इभेन्टमा एपीएफका विना तुलाचन र कविता कार्कीको जोडी वाकओभर पाई सेमिफाइनलमा प्रवेश गरेको छ ।
यसैगरी मिक्स डबल्सतर्फको खेलमा नेपाल पुलिस क्लबका दिपक बोहरा र शोभा गौचनको जोडीले एपीएफका सुदिप सेढाई र शिक्षा श्रेष्ठको जोडीलाई २२–२०, २०–२२ र २१–१७ ले तथा  एपीएफका विशाल प्रधान र विना तुलाचनको जोडीले एपीएफकै इन्द्र महता र नेरी थापाको जोडीलाई २१–११, १८–२१ र २१–१८ ले हराए ।  नेपाल पुलिस क्लबका विष्णु कटवाल र मनुशा राईको जोडीले त्रिभुवन आर्मी क्लबका राम राई र नङशलदेवी तामाङ्गको जोडीलाई २१–१३ र २१–८ ले तथा त्रिभुवन आर्मी क्लबका रत्नजीत तामाङ्ग र सरादेवी तामाङ्गको जोडीले सुनसरीका सुजना श्रेष्ठ र सीता राईको जोडीलाई २१–११ र २१–१२ ले पराजित गरी सेमिफाइनलमा प्रवेश गरेको छ ।