ललितपुर जित विहीन रहँदै पुछारमा ,प्रदीपको स्थानमा अव राजु
खुकुरी एनएसलएलको आइतबार भएको पोखरा थन्डर्स र ललितपुर सिटी एफसी बिचको खेलमा गोलरहित बराबरी भएको छ । बराबरी पछि ललितपुरको ४ खेलमा तीन अङ्क भएको छ । पोखरा ५ अङ्क सहित तेस्रो स्थानमा रहेको छ ।
ललितपुरका प्रवेश कुँवर सुपर प्लेयर तथा पोखराका आयुष घलान इमर्जिङ प्लेयर घोषित भए ।
सात टोली सहभागी प्रतियोगितामा धनगढी ७ अङ्क सहित शीर्ष स्थानमा छ ।
यो बराबरी पछि ललितपुरको प्रशिक्षक परिवर्तन भएका छन् । भाट भटेनी सुपर मार्केटको ललितपुरमा प्रदीप हुमागाईँको स्थानमा राजु तामाङले प्रशिक्षकको जिम्मेवारी सम्हाल्ने छन् ।राजु सहायक प्रशिक्षक रहँदै आएका थिए ।
