वैवाहिक जीवन पछि उत्साहित बम क्याथरिन
वैवाहिक जीवन पछि नेपालका चर्चित जुडो खेलाडी मोहन बम जिन्दगीको नयाँ मोडमा पुगे पनि यसले झन् उत्साहित भएका छन् । अस्ट्रेलियामा मार्सल आर्टमा रमाइरहेका कराँते खेलाडी क्याथरिन मिलरोयसंग विवाह बन्धनमा बाँधिएका हुन् ।८ वर्ष अघि देखि विदेशी भूमिमा बसेका बम सन् २०१८ र सन् २०१९ को समयमा नेपालको प्रतिनिधित्व गर्दै विभिन्न अन्तर्राष्ट्रिय जुडो
प्रतियोगितामा सहभागिता जनाएका थिए । उनले यस क्रममा विश्व च्याम्पियनसिपमा पनि सहभागिता जनाएका थिए ।विश्व जुडो बरीयतामा शीर्ष बरीयताका पुरुष नेपाली खेलाडीको रूपमा रहेका बम पाँच पटक काताका अस्ट्रेलियाका राष्ट्रिय च्याम्पियन भई सकेका छन् । दुई देशको राष्ट्रिय च्याम्पियन उनी नेपालमा रहँदा भने फरक विधाका राष्ट्रिय च्याम्पियन थिए । उनी लेभल टुका अन्तर्राष्ट्रिय प्रशिक्षक पनि हुन् ।
बमसँग विवाहित बन्धनमा बाँधिएका क्याथरिन दोस्रो डान हुन् । उनी धेरै पटक भिक्टोरियाको प्रान्तीय च्याम्पियन हुन् । धेरै पटक भिक्टोरियाको प्रतिनिधित्व गरेका उनी भिक्टोरियन कन्ट्री कराँते लिग पर्पुचुएल ट्रफीको उपाधि लगातार दुई पटक जित्न सफल भएकी हुन् । अस्ट्रेलियन अल स्टाइल राष्ट्रिय कराँते च्याम्पियनमा उनी तेस्रो स्थानमा रहेकी थिइन् ।
अस्ट्रेलियन स्पोर्ट्स ब्रोन्च लेभल कोचको रूपमा समेत उनी कार्यरत छिन् । कराँते विकासमा सक्रिय उनी चार देखि १५ वर्ष बिचको उमेर समूहका बालकलाई प्रशिक्षण दिइरहेकी छिन् । साउथ वेस्ट स्पोर्ट्स एकेडेमीको तर्फबाट कोच डेभ्लप्मेन्ट र क्लब डेभ्लप्मेन्ट अवार्ड पाएकी उनी सामुदायिक सेवामा सक्रिय भएका कारण उनले प्रतिष्ठित अस्ट्रेलिया डे अवार्ड पनि पाएकी छिन् ।आफूलाई सद्भाव राख्ने सबै प्रति आभार व्यक्त गर्दै उनीहरूले नेपालको वातावरण सहज भए पछि यहाँ आउने योजना रहेको बताएका छन् ।
