जापानको टोकियोमा जारी पारा ओलम्पिकमा नेपालकी पालेसा गोवर्द्धनले  कांस्य पदकको लागि भएको खेलमा सङ्घर्षपूर्ण हार बेहोरेकी छिन् । तेक्वान्दोको महिला ५८ किलो के ४४ समूहमा उनले कांस्य पदकका लागि भएको भिडन्तमा चीनकी ली युजीसंग उनी १२–९ ले पराजित भएकी हुन् ।

पहिलो चरणमा बेलायती खेलाडी बेथ मुनरोसंग पराजित उनले रिपेचाजको पहिलो बाउटमा ब्रीना  सालीनारोलाई १०–० ले हराएकी हुन् । यसै गरी उनले दोस्रो जित पाउने क्रममा सर्बीयाकी मारिया मिकेभलाई २३–१५ ले हराएकी हुन् ।