निजगढ तेक्वान्दो डोजाङको आयोजनामा सञ्चालित निजगढ राष्ट्रिय तेक्वान्दोमा नेपाल प्रहरीले ६ स्वर्ण र एक रजत सहित पहिलो स्थान हात पारेको छ । सो प्रतियोगितामा एपीएफ दुई स्वर्ण र चार रजत सहित दोस्रो तथा प्रदेश नं एक दुई स्वर्ण र तीन रजत सहित तेस्रो भयो ।

महिला तर्फ नेपाल प्रहरीका कञ्चन थापा तथा पुरुष तर्फ आयोजक टोलीका प्रशान्त कुँवर उत्कृष्ट खेलाडी भए । प्रतियोगितामा थानेश्वर दर्लामी मगर उत्कृष्ट रेफ्रि भए ।

सो प्रतियोगितामा आयोजकका दुईका साथै सात प्रदेश तथा एपीएफ र पुलिस क्लब समेत ११ टोली सहभागी थिए ।

पहिलो हुने टोलीले ८१ हजार, दोस्रो हुने टोलीले ४१ हजार तथा तेस्रो हुने टोलीले २१ हजार रुपैयाँ पुरस्कार पाए । उत्कृष्ट खेलाडीले ७ हजार ५ सय तथा उत्कृष्ट रेफ्रिले ५ हजार १ सय रुपैयाँ पुरस्कार पाए ।