गुरुङ स्पोर्ट्स हाउसको आयोजनामा सञ्चालित प्रथम गुरुङ स्पोर्ट्स हाउस कप राष्ट्रिय खुला भेट्रान्स पुरुष भलिबल प्रतियोगिताको बुधवार भएको खेलमा प्रदेश तीनलाई मिश्रित परिणाम हात लागेको छ । प्रदेश तीनको रातो टोलीले चितवनको कर्पाकेली युवा क्लबलाई २५–१७, २५–१८ ले हरायो । नेपाल भलिबल सङ्घले प्रदेश तीनको निलो टोलीलाई २०–२५, २५–२०,१५–११  ले हरायो ।

अर्को खेलमा तनहुँको भिर्लुङले धादिङ एडभान्सलाई  २५–१३, २५–२३ ले हरायो । आयोजक गुरुङ स्पोर्ट्स हाउसले साझा यातायात सँगको खेलमा २५–२३, २५–१८ ले सफलता पायो । म(डाल स्पोर्ट्स क्लबले प्रदेश नं एकको रातो टोलीलाई १६–२५, २५–१९,१५–१३  ले हरायो । प्रदेश नं एक सेताले धादिङ एडभान्ससँगको खेलमा २५–७, २५–१९ को सफलता पायो । मङ्गलवार सुरु भयो । पहिलो दिन भएको खेलमा प्रदेश नं एक रातो र मण्डली पाल्पाले जित हात पारेका छन् ।

प्रदेश एकले रोल्पालाई २५–१६, २५–२० ले हरायो । यसै गरी,पाल्पाले सिवा डोल भक्तपुरमाथिको खेलमा २५–२२, २५–२३ को सफलता पायो । सिपाडा्ेल युवा क्लबले रोल्पा भलिबल सङ्घलाई २५–१६, २२–२५,१५–४  ले हरायो ।

ढोरपाटन भलिबल प्रशिक्षण केन्द्र नयाँ बसपार्कमा जारी प्रतियोगिताको लागत १५ लाख रुपैयाँ रहेको छ । प्रतियोगितामा १६ टोलीको सहभागिता रहेको छ । प्रतियोगितामा ४० वर्ष भन्दा माथिको खेलाडीहरूको सहभागिता रहेको छ । प्रतियोगिताको उपाधि विजेताले १ लाख ११ हजार १ सय ११ रुपैयाँ पुरस्कार पाउने छ  । यसै गरी, उप विजयी टोलीले ६१ हजार १सय ११ तथा तेस्रो हुने टोलीले ३१ हजार १ सय ११ रुपैयाँ पुरस्कार पाउने छन् । चौथो हुने टोलीले ११ हजार १ सय ११ रुपैयाँ पुरस्कार पाउने छन् ।

प्रतियोगिता लिग कम नकआउटको आधारमा हुने छ । एक टोलीमा पाँच  खेलाडी  समावेश हुन् छन् । चार खेलाडी मैदानमा उपस्थित हुने प्रावधान छ  । प्रतियोगिताको आयोजनामा हङकङ बस्ने गौरव गुरुङ, हेल्प नेपाल स्पोर्ट्स क्लबका अध्यक्ष वासु श्रेष्ठ, हाल अमेरिका बस्ने राजु केसी र हाल जापान बस्ने रामु थापा ‘ काजी ’ लगायतको मुख्य भूमिका रहेको छ ।