कीर्तिपुर नगरपालिकाले लामा टेन्डी शेर्पा स्मृति खुला पुरुष तथा महिला बास्केटबल प्रतियोगिताको पुरुषमा सोमबार विजयी सुरुआत गरेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा भएको प्रतियोगिताको उद्घाटन खेलमा कीर्तिपुरले बीएमकेलाई ९५–६९ ले पराजित .गरेको छ । कीर्तिपुरले चारै क्वाटरमा अग्रता लियो । कीर्तिपुरले २५–२१, २३–१८, २४–१६ र २३–१४ को अग्रता बनाउँदै विजयी सुरुआत गरेको हो । कीर्तिपुरको सहज जितमा सोमन महर्जनले २४ अङ्क योगदान गरे । बीएमकेका मिलन मल्ल २९ स्कोर गरे पनि जितका लागि पुगेन ।

पुरुषमै सुजन महर्जनको ३१ अङ्क सहयोगमा ड्रिम टिमले शङ्कर देव क्याम्पसलाई ८३–४८ ले सहजै हरायो ।  शङ्करदेवका राजेश ठकुरीले १६ अङ्क जोडे ।पहिलो क्वाटरमा १५–१४ को झीनो अग्रता लिएको ड्रिम टिमले अन्तिमसम्म अग्रतालाई जोगाइ राख्यो । ड्रिम टिमले दोस्रोमा २३–१३, तेस्रोमा ३२–१२ र चौथोमा १३–९ अङ्क जोड्यो ।

नेपाल बास्केटबल सङ्घद्वारा आयोजित प्रतियोगिताको महिलामा रोयल बास्केटबल एकेडेमीले ललितपुर हाई माथि ४८–३९ को जित दर्ता ग¥यो ।

पहिलो क्वाटरमा १४–१० को अग्रता बनाएको रोयल दोस्रोमा ९–९ को बराबरीमा रोकियो । तेस्रो क्वाटरमा रोयल ८–१२ ले पछि परेपछि खेल ३१–३१ को बराबरीमा पुगेको थियो । चौथो तथा अन्तिम क्वाटर रोयलले १७–८ ले आफ्नो पक्षमा पार्दै जित सुनिश्चित ग¥यो ।

आयोजक सङ्घका अध्यक्ष स्व. लामा टेन्डी शेर्पाको स्मृतिमा आयोजित प्रतियोगिताको  लामाका पिता लामा पासाङ शेर्पा र दाइ नवाङ निमा लामाले उद्घाटन गरे । फागुन १२ गतेसम्म चल्ने प्रतियोगिताको पुरुषमा १३ र महिलामा ५ टिम सहभागी छन् ।