नेपाल मुवाथाइ सङ्घ आबद्ध अन्तर्राष्ट्रिय मुवाथाइ महासङ्घको आयोजनामा मलेसियाको क्वालालम्पुरमा   सम्पन्न इन्टरनेसनल फेडेरेसन अफ मुवाथाइ एसोसिएसनको यूथ वर्ल्ड च्याम्पियनसिपमा नेपालकी प्राप्ति बतासले ठुलो उपलब्धि हात पारेकी छन् । प्राप्तिले १२ देखि १४ वर्ष उमेर समूहको ५१ केजी तौल समूहमा कांस्य पदक हात पारिन् । ‘

यस क्रममा उनले चार बाउटमा जित हात पारेकी थिइन् । साथै,उनले ग्रान्डस्लाम इभेन्टमा पनि रजत पदक जितेको नेपाल मुवाथाई एसोसिएसनका महासचिव सुदिप पण्डित क्षेत्रीले जानकारी दिए । प्रतियोगिता १ १ देखि २१ अगस्टसम्म भएको थियो । इन्टरनेसनल फेडेरसन अफ मुवाथाइ एसोसिएसनले सन् २०२० मा अन्तर्राष्ट्रिय ओलम्पिक कमिटीमा आबद्धता प्राप्त गरेको थियो ।