दक्षिण एसियाली मोया थाई महासङ्घको आयोजनामा १५ देखि १७ डिसेम्बरसम्म  भारतको त्रिपुरा, अग्रतलामा हुने प्रथम दक्षिण एसियाली  मोया थाई सम्मेलनमा भाग लिन नेपाल  मोया थाई सङ्घका प्रतिनिधि र खेलाडी त्यस तर्फ प्रस्थान गरेका छन् ।

प्रथम दक्षिण एसियाली मोया थाई महासङ्घले आयोजना गरेको सम्मेलनमा दक्षिण एसियाली मोया थाई महासङ्घको अधिवेशन, रेफ्री र प्रशिक्षक सेमिनारलगायत साम फाइट नाइट हुने छ ।

सो सम्मेलनमा  नेपाल  मोया थाई सङ्घका महासचिव सुदिप पण्डित क्षेत्री,  महिला प्रतिनिधि तुलसी थापा मगर र खेलाडी योग कुमार  थापा मगरले सहभागिता जनाउने सङ्घका कार्यवाहक अध्यक्ष सम्पन्न श्रेष्ठले जानकारी गराए ।

सुदिप पण्डित क्षेत्रीले प्रतिनिधिको साथै रेफ्री सेमिनारमा सहभागिता जनाउने छन् । तुलसी थापा मगरले महिला प्रतिनिधि र प्रशिक्षकको रूपमा सहभागिता जनाउने छिन् । योग कुमार  थापा मगरले साम फाइट नाइटको ६७ केजीमा प्रतिस्पर्धा गर्नेछन् ।  साम नाइट फाइट मुख्य स्पर्धाको पुरस्कार राशि १ हजार ५ सय अमेरिकी डर छ ।

सहभागी टोलीलाई नेपाल मोया थाई सङ्घका कार्यवाहक अध्यक्ष सम्पन्न श्रेष्ठले बिदाइ गरे ।