गत हप्ता मात्र भारतको कल्याणमा महाराष्ट्र प्रदेश स्तरीय ब्याडमिन्टन प्रतियोगिता उद्घाटन गरेका वरिष्ठ अन्तर्राष्ट्रिय ब्याडमिन्टन अम्पायर उदय अर्यालले बिहीबार प्रमुख अतिथिको रूपमा मध्य प्रदेशकै भूपालमा ब्याडमिन्टन एकेडेमीको उद्घाटन गरेका छन् । 

नेपालमा पहिलो पटक भारतको ब्याडमिन्टन २१ एकेडेमी भित्र्याएर भारतका राष्ट्रिय प्रशिक्षक मार्फत सुनौलो कार्यक्रमको सुरुवात गर्न समेत अर्याल सफल भई सकेका छन् । अर्यालले के एन्ड पी कलेज फर साइन्स एन्ड टेक्नोलोजी होसङगावाद रोडमा खुलेको एकेडेमीको उद्घाटन गरेका हुन् । सो एकेडेमी सेभेन मांगोस स्पोर्ट्स एरेना र ब्याडमिन्टन २१ एकेडेमीको संयुक्त लगानीमा खुलेको हो । 

नेपाली ब्याडमिन्टनको इतिहासमै भारतमा यस किसिमको सम्मान र अवसर पाउने अर्याल सम्भवतः ः पहिलो व्यक्ति हुन् । उद्घाटन समारोहमा भूपालका ब्याडमिन्टन खेलाडीहरू, प्रदेश सङ्घका पदाधिकारीहरू, फिजियोथेरापिस्ट र ब्याडमिन्टन प्रशिक्षकको उपस्थिति थियो ।