प्रदेश परिषद्ले प्रदेश एथलेटिक्स सङ्घको अधिवेशन गर्दै साधारण सभा गरिने

बाग्मती प्रदेश खेलकुद परिषद्का सदस्य सचिव तथा नेपाल एथलेटिक्स सङ्घका तदर्थ कमिटीका सदस्य सूर्य भण्डारीले खेलकुद ऐन र विधान अनुसार प्रदेश अधिवेशनसँगै नेपाल एथलेटिक्स सङ्घको अधिवेशन हुने बताएका छन् । खेलकुद न्यूजडटकमसँगको छोटो कुराकानीमा भण्डारीले कम्तीमा चार प्रदेशको अधिवेशन हुने वैधानिक प्रावधान अनुसार अधिवेशन हुने र त्यस पछि केन्द्रीय  अधिवेशन हुने बताएका छन् । बाग्मती प्रदेश खेलकुद परिषद्का सदस्य सचिव तथा नेपाल एथलेटिक्स सङ्घका तदर्थ कमिटीका सदस्य सूर्य भण्डारीले खेलकुद ऐन र विधान अनुसार प्रदेश अधिवेशनसँगै नेपाल एथलेटिक्स सङ्घको अधिवेशन हुने बताएका छन् । खेलकुद न्यूजडटकमसँगको छोटो कुराकानीमा भण्डारीले कम्तीमा चार प्रदेशको अधिवेशन हुने वैधानिक प्रावधान अनुसार अधिवेशन हुने र त्यस पछि केन्द्रीय  अधिवेशन हुने बताएका छन् । 

उनले वैधानिक प्रावधान अनुसार नै प्रादेशिक खेल सङ्घको अधिकारलाई कसैले कटौती गर्न नमिल्ने र केन्द्रीय हस्तक्षेप हुन नसक्ने बताएका छन् । ‘ यो बाग्मती प्रदेश मात्र होइन सबै प्रदेशको हकमा लागु हुने नियम हो ,’ भण्डारीले भने ।   

अहिले नेपाल एथलेटिक्स सङ्घका अध्यक्ष राजीव विक्रम शाहले केन्द्रीय सङ्घका बहुसङ्ख्यकले अधिवेशनको माग गरे पनि यसमा चासो दिएका छैनन् । एथलेटिक्सकर्मीको भेला र समूह उनको विरुद्धमा रहेको ठहर सहित शाहले निर्वाचन गर्न नचाहेको धेरैको अनुमान छ । 

सुरुमा राजीव विक्रम शाहकै अध्यक्षतामा बसेको तदर्थ समितिको बैठकले विधान स्वीकृतिमा लागि राष्ट्रिय खेलकुद परिषद्मा जाने र निर्वाचन गर्ने निर्णय भएको थियो । शाहले आफूले सही गर्छ भन्दै प्रस्तावित विधान र म्यान्डेट घरमा लगेर राखेको जनाइएको छ । त्यस पछि शाह एथलेटिक्स सङ्घका तदर्थ कमिटीका सदस्यसँग टाढा हुँदै सम्पर्क आउन चाहेनन् । 

त्यस पछि एथलेटिक्स तदर्थ समितिको बहुमत सदस्यले फेरी विधानमा हस्ताक्षर गर्दै राखेपमा बुझाए पनि परिषद् सदस्य सचिव टङ्कलाल घिसिङले एथलेटिक्स भित्रको समस्या समाधान गर्न कुनै चासो देखाएका छैनन् । 

बाग्मती प्रदेश सदस्य सचिव भण्डारीले कानुन बमोजिम सबै प्रदेशले प्रदेश खेलकुद परिषद्ले प्रदेश खेलकुद सङ्घ गठन गर्न पाउने र त्यसै अनुरूप साधारण सभा गर्न पाउने भएकाले प्रदेश खेलकुद परिषद्कै पहलमा  एथलेटिक्स सङ्घ गठन र साधारण सभा गर्न जरुरी भएको बताए ।