इन्डोनेसियाको जकार्तामा शुक्रवार सुरु हुने विश्व एमएमए च्याम्पियनसिपमा नेपालका विनोद श्रेष्ठले सहभागिता जनाउँदै छन् । १४ डिसेम्बरसम्म हुने प्रतियोगिताको पुरुष ७० केजीमा प्रतिस्पर्धा गर्नेछन् ।

ग्लोबल एसोसिएसन अफ मिक्स मार्सल आर्ट्स (गाम्मा) को आयोजनामा हुने प्रतियोगिताको टोली प्रमुखमा राजीव महर्जन तथा प्रशिक्षकमा उमेश महर्जन छन् ।

खेलाडी सहभागिताको सम्पूर्ण खर्च ललितपुर जिल्ला खेलकुद विकास समिति तथा गाम्मा नेपाल एसोसिएसन अफ मिक्स मार्सल आर्ट्सका अध्यक्ष विनोद महर्जनले प्रायोजन गरेका छन् । आरडी र एकता फाउन्डेसनसहित डा. मोहित गौतमले पनि सहयोग गरेको जनाइएको छ ।

प्रतियोगितामा सहभागी श्रेष्ठ गोरखाका स्थायी बासिन्दा हुन् । उनी विभिन्न खालको मार्सm आर्टमा सफलता प्राप्त गरे पछि सो प्रतियोगितामा सहभागी हुन त्यस तर्फ प्रस्थान गरेका हुन् । उनी मेहनती भएको तथा उनीबाट धेरै आशा गर्न सकिने सो टोलीका प्रमुख राजीव बताउँछन् । उनको सहभागितामा गोरखाका खेलकर्मी समेत उत्साही भएको जनाइएको छ ।