मच्छिन्द्र क्लब नेपाली काँग्रेसको भ्रातृ संस्था नेपाल लोकतान्त्रिक खेलकुद सङ्घ महाधिवेशन निर्देशन समितिको आयोजनामा भएको  सभापति कप फुटबलको  सेमिफाइनलमा प्रवेश गरेको छ। दशरथ रङ्गशालामा शुक्रवार भएको खेलमा मछिन्द्रले एपिएफलाई १-० गोलले पराजित गरेको हो। मछिन्द्रको जीतमा सनिष श्रेष्ठले थप गरिएको अन्तिम मिनेटमा गोल गरे ।
विमल घर्ती मगरले दोस्रो हाफमा मैदान प्रवेश गर्दै नेपाली फुटबलमा कम ब्याक गरेका छन्। अन्तिम पटक एक वर्ष अगाडि उनले नेपालमा फुटबल खेलेका थिए।  फाइनल प्रवेशका लागि मछिन्द्रले सङ्कटासँग खेल्ने छ। उपाधि विजेताले २६ लाख र उपविजेताले नगद १३ लाख पाउने छ ।