गएका दुई सिजन कमजोर साबित चितवन एफसीले एनसेल एनएसएलमा विजयी सुरुवात गरेको छ । चितवनले सोमबार भएको खेलमा पोखरा थन्डर्सलाई २–० ले हरायो । 

त्रिपुरेश्वरस्थित दशरथ रङ्गशालामा भएको खेलमा चितवनलाई जीत दिलाउने क्रममा नोदिर माभलोनोभ र नीरज चौधरीले गोल गरे । यस अघिका २ सिजन नै चितवन प्लेअफमा पुग्न असफल थियो । 

खेलको १५औँ मिनेटमा नै चितवनले नोदिर माभलोनोभको गोलबाट अग्रता लियो । भिक्टोर मानसरेले राइट साइडबाट दिएको कट पासलाई नोभिरले पेनाल्टी बक्स बाहिरबाट दोस्रो बार च्याप्दै गरे । उनको प्रहार  पोखराका गोलरक्षक प्रिसोले रोक्नै सकेनन् । ४ मिनेटपछि नै पोखराले फ्रिकिकबाट अवसर सिर्जना गरे पनि सफलता पाउन सकेन ।

करिब ३१ यार्डबाट सुरज ज्यू ठकुरीले गरेको फ्रिकिक दोस्रो बार नजिकैबाट बाहिरिन पुग्यो । ३१औँ मिनेटमा चितवनका शिशिर लेखीको सफल भएन । उनले करिब १२ यार्डबाट गरेको सशक्त प्रहार पोखराका गोलकिपर प्रिसोले पन्च गर्दै रोके । त्यसपछि पनि दुवै तर्पmबाट केही अवसर सिर्जना भए । 

पहिलो हाफमा अग्रता लिएको चितवन दोस्रो हाफमा भने रक्षात्मक बनेको थियो । पोखराका जोए आइडुको प्रहारले गोलको दिशा लिन नसके पछि पोखरा चुकेको थियो । ५३औँ मिनेटमा आइडुको करिब ३५ यार्डबाट गरेको सट बारभन्दा केही माथिबाट बाहिरिएको थियो । पोखराको ५७औँ मिनेटमा पनि गोल गर्ने प्रयास सफल भएन ।

पोखराका स्टेफन बिनोङको हेडर चितवनको डिफेन्डरले क्लियर गर्दै संकट टारेका हुन् । त्यसको दुई मिनेटपछि नै चितवनका भिक्टोरले अग्रता दोब्बर बनाउन अवसर पनि खेर फाले । आठ यार्डबाट नै उनको सट पोखराका गोलकिपर प्रिसोले रोकेका थिए  । ८६औँ मिनेटमा भिक्टोर नजिकै दूरीबाट वान टच गोल गर्न चुकेपछि चितवन अग्रता दोब्बर बनाउन असफल भएका थियो । जोनाथन क्याम्बेलले लेफ्ट साइडबाट दिएको क्रसलाई उनले वन टच गरे पनि बारभन्दा केही माथिबाट बाहिरिन पुग्यो ।

इन्जुरी समयमा काउन्टर अट्याकबाट चितवनले अग्रता दोब्बर बनाएको हो।  नीरज चौधरीले पेनाल्टी बक्स भित्रबाटै दोस्रो बार च्यापेको सट गोलमा परिणत भएको हो । काउन्टर अट्याकमा भिक्टोरको थ्रु बललाई नीरजले सदुपयोग गरेका हुन् । त्यसपछि थप गोल हुन सकेन र एफसी चितवनले पोखरालाई २–० ले हरायो ।