राष्ट्रिय खेलकुद परिषद् (राखेप) का पूर्व उपाध्यक्ष पिताम्बर तिमल्सिनाको पहलमा भूकम्प पीडित राखेपअन्तर्गत तथ्याङक शाखामा करार सेवामा कार्यरत सहायक द्वितीय बालमुकुन्द नापितलाई मंगलबार आर्थिक सहयोग प्रदान गरिएको छ ।  बैशाख १२ गतेको विनाशकारी भूकम्पमा नापितकी धर्मपत्नी लक्ष्मीको निधन भएको थियो । त्यसबेला नापित धर्मपत्नी र नाबालक छोरा ३ वर्षिय रिजेशसहित कपनको साततले भवनमा देरा गरी बस्थे ।
तिमल्सिनाकी छोरी आर्यनाले ५० हजार रुपैयाँ बराबरको चेक रिजेशलाई राखेप हातामा हस्तान्तरण गरिन् । तिमल्सिनाले रिजेशको अध्ययन खर्चमा सहयोग गर्ने उद्देश्यले रकम प्रदान गरिएको बताउदै भूकम्पले खेलक्षेत्रमा पु¥याएको क्षतिलाई राज्यले छुट्टै प्याकेज तयार गरी सम्बोधन गर्नुपर्नेमा जोड दिए । उनले रिजेशकै नाममा खाता खोली रकम जम्मा गर्ने व्यवस्था पनि मिलाएको बताए ।
तिमल्सिनकै पहलमा नापितलाई ग्यास सिलिन्डर र चुलो, ब्याङकेट र मुन्डी पनि त्यसै अवसरमा प्रदान गरिएको थियो । उक्त सामाग्री नेपाललाई पहिलो अन्तर्राष्ट्रिय पदक दिलाएका धावक जितबहादुर केसीले नापितलाई हस्तान्तरण गरे ।आर्थिक र राहत सामाग्रीका लागि बेलायतमा रहेका सूर्य महतो, अभिषेक गुप्ता र सर्मिला थापा, अमेरिकामा रहेकी शारिका थापा तथा अल्फाज बोज (ग्लोबल फुड) ले सहयोग गरेको तिमल्सिनाले जानकारी गराए ।
सोही अवसरमा नेपाल च्यानबारा स्पोर्ट्स संघका अध्यक्ष समेत रहेका राखेप सदस्य देवकुमार लामाले पनि नापितलाई ५ हजार रुपैयाँ आर्थिक सहयोग उपलब्ध गराएका थिए ।