मुख्यतः खेलकुद चिकित्सा क्षेत्रमा केन्द्रीत जापानको पि. फ्लास्टर कम्पनी लिमिटेडले बालवातावरण केन्द्र नेपाल (सीडब्लुसीएन) मा रहेका जुडो खेलाडीको सहयोगार्थ २५ लाखमूल्य बराबरको जुडो सामाग्री प्रदान गरेको छ । कम्पनीका प्रतिनिधि श्याम महर्जनले सो मूल्य बराबरको सामाग्री सीडब्लुसीएनका अध्यक्ष सुरेश प्रसाद लुइटेललाई मंगलबार हस्तान्तरण गरे । हस्तान्तरण गरिएका सामाग्रीहरु २४ थानगि, ६४ थानम्याट, १सेट केन्दो पोशाक र सोफ्ट म्याट १ थान रहेका छन् ।
अनाथ र असाहय बालवालिकाको संरक्षणमा कार्यरत संस्था सीडब्लुसीएन माहाल ८५ जुडो खेलाडी छन् । उनीहरुलाई अन्तर्राष्ट्रिय जुडो निर्णायक धर्मकुमार श्रेष्ठ र जुडो प्रशिक्षक रमेश मगरले प्रशिक्षण दिइरहेका छन् । तीनवर्षको अन्तरालमा सीडब्लुसीएनले २ राष्ट्रव्यापी तथा १ अन्तर्राष्ट्रिय जुडो प्रतियोगिता समेत आयोजना गरिसकेको छ ।
महर्जनसहित फ्लास्टरमा आबद्धता कासीयामागुची, खाजामीतोकोमी र योकोताकोसीको पहलमा सीडब्लुसीएनले खेल सामाग्री प्राप्त गरेको बताइएको छ । सामाग्री ढुवानीमा डिएचएल, जर्मनले ७५ प्रतिशत छुट दिएको  सीडब्लुसीएनका कोषाध्यक्ष समेत रहेका धर्मकुमार श्रेष्ठलेले जनाएका छन् ।