काठमाडौं जिल्ला टेबलटेनिस संघको तत्वावधान तथा वि फेयर साइलेन्स सेर्भिस (वाइएफएस) को आयोजनामा छैटौं कृष्णध्वज स्मृति राष्ट्रव्यापी अन्तरविद्यालय तथा कलेज टेबलटेनिस प्रतियोगिता भदौ २० गतेदेखि हुने भएको छ ।
स्कुलतर्फ १२ तथा कलेजमा ७ स्पर्धामा प्रतिस्पर्धा हुने प्रतियोगिता संयोजक सुरज खत्रीले जनाएका छन् । लैनचौरस्थित राष्ट्रिय टेबलटेनिस प्रशिक्षण केन्द्रको हलमा ४ दिनसम्म चल्ने प्रतियोगितामा करिब २ सय ५० खेलाडीको सहभागिता रहने बताइएको छ ।