पोखरा
पूर्व वक्सिङ्ग खेलाडी तथा विभिन्न सेनावाट सेवा निवृतहरुको संस्था पश्चिमाञ्चल भूतपुर्व वक्सिङ्ग एवं सवलता क्लवको सम्पन्न प्रथम अधिवेशनले सम्मर वहादुर क्षेत्रीलाई अध्यक्षमा निर्वाचित गरेको छ । पोखरामा भएको अधिवेशनले क्लवको उपाध्यक्षमा मोती प्रसाद गुरुङ्ग, सचिवमा समा महेश घिमिरे, कोषाध्यक्षमा ज्ञान वहादुर गुरुङ्ग र सदस्यहरुमा धनवहादुर गुरुङ्ग, कृष्ण वहादुर थापा, मन वहादुर पुन सुरेश मल्ल, दिल माया गुरुङ्ग र डि.वी. गुरुङ्गलाई निर्वाचित गरेको छ  ।
क्लवका नव निर्वाचित पदाधिकारीलाई वधाई ज्ञापन गर्दै युवा तथा खेलकुद मन्त्रालयका सचिव दिपेन्द्र नाथ शर्माले ज्येष्ठ नागरिकहरुको लागि विशेष खेलकुद कार्यक्रम आयोजना गर्न लागिएको वताउनु भयो । उहाँले पूर्व खेलाडीहरुको सक्रियताले नै खेलकुदमा उर्जा थपिने भएकोले खेलाडीहरुको लागि अक्षय कोष स्थापना गरि प्रोत्साहन भत्ता र विमाका लागि विशेष कार्यक्रम गर्न लागिएको वताऐ ।
यस अधि कार्यक्रममा वक्सिङ्ग खेलको विकास एर्व प्रवद्र्धन गर्न पूर्व अन्र्तराष्ट्रिय वक्सिङ्ग खेलाडी गणेश वहादुर भट्टराईले संस्थाको अक्षय कोष स्थापना गर्न रु १ लाख १ हजार १ सय ११ रुपैयाँ प्रदान गर्नु भयो । पर्यटन व्यवसायी समेत रहेका भट्टराइले वक्सिङ्ग प्रशिक्षक लोक वहादुर गुरुङ्गलाई रु ५ हजार प्रदान गर्नुभयो । सो अवसरमा पश्चिमाञ्चल खेलकुद विकास समितीका सदस्य राजेन्द्र पाहारीले अक्षय कोषकालागि २५ हजार प्रदान गरे  ।
कार्यक्रमको उद्घाटन गर्दै पश्चिमाञ्चल प्रहरी प्रमुख डिआइजी पंकज श्रेष्ठले गर्नुभएको थियो । कार्यक्रममा नेपाल ह्याण्डवल संघका अध्यक्ष एवम नेपाल ओलोम्पिक कमीटीका सदस्य तेज वहादुर गुरुङ्ग, प्यावसन कास्कीका पूर्व अध्यक्ष कृष्ण केसी लगाएतले मन्तव्य व्यक्त गरेका थिए ।