राष्ट्रिय लिग फुटबल प्रतियोगिताको बुधबार भएको खेलमा सदुर पश्चिमाञ्चलले लुम्बीनी फुटबल क्लबलाई ३–१ ले पराजित गरेको छ । अर्को खेलमा झापा र मोरंग विच गोलरहित बराबरी भयो । सोतदोबाटोमा भएको खेलमा १२ औ मिनेटमा बिमल घर्ती मगरलाई लडाइए पछि प्राप्त पेनाल्टीलार्य गोलमा परिणतगर्न हेमन्त थापा असफल भए पछि सुदुर पश्चिम पहिलो अग्रताबाट बन्चित भएको थियो ।
२५ औ मिनेटमा बिश्वास श्रेष्ठको पासमा कमल श्रेष्ठले गोल गरे पछि लुमबीनीले पहिलो अग्रता लिएको थियो । लुम्बीनीका कालु थापाले ह्यान्ड गरे पछि प्राप्त पेनाल्टीमा बिमलले गोल गरे पछि ५३ औ मिनेटमा सुदुर पश्चिम खेलमा फर्कीएको थियो । त्यसको लगत्तै बिश्वास दोस्रो पहेलो कार्ड स्वरुप रातो कार्ड पाउदै बाहीरिए पछि लुमबीनी १० खेलाडीमा सिमित भएको थियो । सदन थापाले ८४ औ मिनेटमा गोल गर्दै सुदुर पश्चिमलाई अग्रता दिलाए । ९० औ मिनेटमा दिनेस राजबंशीले हेड गोल गरे । जित पछि सुदुर पश्चिम १० अंक सहित छैटौ स्थानमा छ । लुम्बीनी ४ अंक सहित पुछारमा छ । झापा १७ अंक सहित शिर्ष स्थानमा छ भने मोरंगको ५ अंक छ ।