१२ औँ साफ खेलकूदको तयारीका लागि भारतको चेन्नाईमा हुन गइरहेको आगामी दक्षिण एशियाली ओलाम्पीक कमिटिको बैठकमा नेपालको तर्फबाट राखिने प्रश्ताबका बारे नेपाल ओलम्पिक कमिटीले संघहरुसंग छलफल गरेको छ । ओलाम्पीक कमिटिका अध्यक्ष जीवनराम श्रेष्ठको अध्यक्षतामा एनओसी भवन सातदोबाटोमा बुधबार  सम्पन्न परामर्श बैठकमा राष्ट्रिय खेलकुद परिषद्का सदस्य सचिव केशबकुमार बिष्टकोपनि उपस्थिती थियो । साथै बिभिन्न खेल संघका अध्यक्ष, महासचिव लगायतका पदाधिकारीहरुको सहभागिता रहेको थियो ।
परामर्श बैठकमा सहभागी राष्ट्रिय संघका पदाधिकारीहरुले खेलाडीहरुको प्रशिक्षण लगायतका तयारीका बारेमा जानकारी गराएका थिए । उनिहरुले नेपालका लागि पदकको सम्भावना भएका कराँते लगायतका खेलहरु साफ खेलकुदमा सहभागी गराउनको लागि पहल गर्न सुझाव दिएका थिए । उनीहरुले खेलाडीहरुलाई स्वदेशका साथै बिदेशमा समेत प्रशिक्षणका लागि पठाउन वातावरण बनाई दिन आग्रह गरेका थिए । यस्तै उनिहरुले साग गेमका लागि छनौट भएका सबै खेलहरुमा महिलाको सहभागिता न्युन भएकोले त्यसलाई सन्तुलीत बनाउनु पर्ने सुझाव दिएका थिए ।
बैठकमा नेपाल ओलाम्पीक कमिटीका अध्यक्ष जीवनराम श्रेष्ठले अहिलेसम्म साफका लागि २२ वटा खेलहरु समाबेश हुने जानकारी दिए । श्रेष्ठले खेलकुदमा अपेक्षाकृत उपलब्धी हाँसिल गर्न सक्ने वातावरण बन्दै गएको भन्दै खेलाडी र प्रशिक्षकहरुलाई उत्साहित बनाउने गरी भुमिका निर्वाह गर्न आवश्यक रहेको बताए । उनले सरकारसंगको समन्वयमा उत्कृष्ट खेलाडीहरुलाई एनओसीका तर्फबाट बैदेशिक प्रक्षिणमा पठाउने र नेपालमै बैदेशिक प्रशिक्षक ल्याएर प्रशिक्षण दिन बिषेश पहल गर्ने समेत जानकारी गराए ।
राष्ट्रिय खेलकुद परिषदका सदस्य सचिव केशबकुमार बिष्टले साग गेमको तयारी र सातौँ राष्ट्रिय खेलकुदलाई व्यवस्थीत गर्न भइरहेका प्रयासहरुका बारेमा जानकारी गराए । उहाँले सातौँ राष्ट्रिय खेलकुदलाई प्रभावकारी बनाउदै खेलाडीहरुका लागि आवश्यक प्रशिक्षण लगायतका अन्य प्रक्रियाहरु सुरु भइसकेकोले संघहरुले बिषेश भुमिका निर्वाह गर्नुपर्ने बताए । केही खेलाडीहरुलाई दक्षिण कोरियामा तालिमका लागि पठाउन एनओसीसंग छलफल चलिरहेको उनको भनाई थियो ।
सो परामर्श बैठकले १२ औँ साग गेमको तयारीका लागि आगामी अक्टोबर ११ तारिकमा भारतको चेन्नाईमा हुने बैठकमा नेपालको तर्फबाट राखिने  प्रस्तावका बारे पनि निर्णय गरेको छ ।
यसअघि बङगलादेशमा भएको ११ औँ सागमा सहभागी गराइएका सबै खेलहरुलाई निरन्तरता दिदै कराँते लगायतका विकास र विस्तारका दृष्टिकोणले सम्भावना बोकेका खेलहरुलाई सहभागी गराउन पहल गर्ने  र  साफ खेलकुदका लागि छनौट भएका सबै खेलहरुमा लैङगीक समानता (महिला सहभागिता) सुनिश्चित गराउन नेपालको तर्फबाट बिषेश पहल गर्ने निर्णय पनि भएको छ ।
१२ औँ साफ खेलकुदमा आर्चरीका महिला र  पूरुष, स्पर्धा, एथेलेटिक्सका  महिला र पूरुष
तथा ब्याडमिन्टनका  महिला र पूरुष स्पर्धा राखिने निर्णय भइसकेको छ । यसैगरी, बास्केटबलका महिला र पुरुष स्पर्धाका तथा  बक्सीङ,साइकिलिङ र  फुटबलका पुरुष  स्पर्धा समाबेश गरिने भएको छ । ह्याण्डबल, हक्की, जुडो, .कबड्डी, .खो—खो, सुटिङ,स्क्वास,स्वीमिङ, र टेबल टेनिसका   महिला र  पूरुष स्पर्धा समाबेश गरिने छन् ।
तेक्वान्दो, भलिवल,  पुरुष, उसु र वेटलिफ्टीङका पुरुष स्पर्धा मात्र समाबेश छन् ।  कुस्ती र ट्रायथलनको महिला र  पूरुष स्पर्धा समाबेश छन् । ओलम्पिक कमिटीका अध्यक्ष श्रेष्ठले ११ औमा समाबेश खेल र धेरै खेलका महिला स्पर्धाका बारे पनि नेपालले कुरा उठाउने बताएका छन् ।