गोकर्ण गल्फ क्लबमा भएको कतार एयरवेज ओपन गल्फको उपाधि आङडेन्डी शेर्पाले जितेका छन् । उपाधि विजेता आङडेन्डी र फक्रे शाहले समान ३८ स्कोर गरेका थिए । तर आङडेन्डीले काउन्ट ब्याकको आधारमा उपाधि हात पारे ।
नौ ह्यान्डि क्यापमा खेलेका शेर्पाले फ्रन्ट नाइनमा १८ स्कोर बटुले ।  ब्याक नाइनमा भने उनले २० स्कोर जोडेका थिए ।  उपविजेतामा चित्त बुझाइएका शाहले भने फ्रन्ट नाइन र ब्याक नाइनमा समान १९–१९ स्कोर जोडे । विजेता शेर्पाले इडन वर्गको लागि कतार एयरवेजको टिकट हात पारे । शर्पाले कुल तीन बर्डीजका साथ मस्ट बर्डीज,निश्चय जङ्ग रायमाझिले बेस्ट ग्रसको उपाधि हात पारे । रायमाझिले कुल ३३ ग्रस स्कोर बटुलेका थिए । ग्रसतर्फका विजेताले पनि कतार एयरवेजको टिकट हात पारे ।
अर्कोतर्फ साम दब्लार्ड बेस्ट जुनियर गल्फरको उपाधि जिते । होल नं १८ मा लोब्साङ टासिले लङ्गेस्ट ड्राइभको उपाधि जिते । होल नं १० मा भने विजोय मोक्तानले क्लोजेस्ट टु द पीनको ट्रफि प्राप्त गरे । कुल १०६ गल्फरको सहभागीता रहेको प्रतियोगिता स्टेबल फोर्ड तीन बाई चार ह्यान्डीक्याप फरम्याटमा खेलाइएको थियो । यसअघि पहिलो दिन भएको खेलमा महिलातर्फ रेखा घिमिरेले मी जीयोङ जुलाई पराजित गर्दै जितेका थिइन् । जुनियरतर्फ भने दब्लार्ड अदिती घिमिरेलाई पराजित गरेका थिए । सिनियर (६० वर्ष भन्दा माथि )तर्फ भने गोपाल चित्रकारले उपाधि जिते । उनले कुल ३७ स्कोर जोडेका थिए ।
प्रतियोगिताका विजेतालाई कतार एयरवेजका कन्ट्री म्यानेजर रोहन भद्यगोन्कर,गोकर्ण गल्फ क्लबका अध्यक्ष सुहृीद घिमीरे र कतार एयरवेजको एयरपोर्ट सेवा विभागका म्यानेजर देबेन्द्र नाथ मल्लीक लगायतले पुरस्कृत गरे ।