नवलपरासीको अमलटारीमा जारी अन्र्तराष्ट्रिय हात्तीपोलो प्रतियोगितामा लिग चरणको खेलहरु बुधबारबाट सकिएको छ । बुधबार भएको लिग चरणको खेलमा टाईग्रिस अरेविया, पक्का चक्का, खुकुरी युके र इएफजि विजयी भएका छन् । आफ्नो उत्कृष्ट खेल प्रर्दशनलाई कायम राख्ने क्रममा टाईग्रिसले श्रीलंकाको गाल्लोयालाई ८–५ गोल अन्तरले पाखा लगायो । त्यस्तै अर्को खेलमा स्विजरल्याण्डको इएफजिले टाईगरटप्स ट्रस्करलाई ८–६ ले हरायो । त्यस्तै अष्टे«लियाको पक्का चक्काले एसटी पाउल ग्रिफिन्सलाई ७–२ गोलले पराजित गर्न सफल भयो । यता खुकुरी युकेले थारु लज टाईगरलाई ८–६ हराउन सफल भयो । बिहिबार हुने दोश्रो चरणको खेलमा इएफजि स्विजरल्याण्ड, टाईग्रिस अरेविया, टाईगरटप्स ट्रस्कर र खुकुरी युके सहित ४ वटा टिमले प्रतिस्पर्धा गर्ने छन् ।