कतारको दोहामा सुरु कतार एसियाली जुनियर टेनिस टिम कप– २०१५ मा नेपालले बुधबार विजयी सुरुआत गरेको छ ।नेपालले जोर्डनलाई २–१ ले पराजित गरेको टिम प्रशिक्षक सूर्यभूषण वज्राचार्यले जनाएका छन् । नेपालबाट यु–१४ उमेरसमूहमा संरक्षकभूषण वज्राचार्य र प्रणव खनालले प्रतिस्पर्धा गरिरहेका छरेका छन् । टिममा दुई सिंगल्स र एक डबल्स स्पर्धामा प्रतिस्पर्धा भएको थियो । त्यसमा नेपालले एक÷एक सिंगल्स र डबल्समा जित हात पार्दै विजयी सुरुआत गरेको हो । अन्तिम खेलमा जित हात पार्ने क्रममा पहिलो सेटमा टाइब्रेकमा १–६ ले पछि परे पनि उत्कृष्ट कमब्याक गरेका नेपाली खेलाडीले ८–६ ले जित हात पारेका थिए । दोस्रो सेटमा ३–६ ले पराजित नेपाली खेलाडी तेस्रो सेटमा १०–५ ले विजयी भए  ।
गत संस्करणमा नेपालले कांस्य जितेको थियो । त्यसबेला चार खेलाडीले  प्रतिस्पर्धा गरेकोमा संरक्षक र प्रणव पनि टोलीका हिस्सा थिए । सो समयमा रेन्जन लामा र सम्यक भुषण बज्राचार्य पनि टोलीमा थिए ।