विश्व तेक्वान्दो महासंघ (डब्लुटीएफ) ले गत १२ बैशाखको भुकम्पले प्रभावितलाई नेपालमा सहयोग गर्ने भएको छ । नेपाल भ्रमणमा रहेका महासंघ अध्यक्ष डा. छुङवोन छाले ‘तेक्वान्दो ह्युमेनटेरियन फाउन्डेसन पाइलट प्रोजेक्ट र नेपाल अर्थक्वेक बिलिफ प्रोग्रामको बारे जानकारी गराउदै सो कुरा उल्लेख गरेका हुन् । सन् २०१५ मा तेक्वान्दो खेलले फड्को मारे पछि मानबीय सम्बेदनाको क्षेत्रमा पनि सक्रिय हुनु पर्छ भन्ने सोच सहित यो परियोजना अघि बढेको महासंघका अध्यक्ष छोले बताए । उनले जोर्डन र नेपाल पहिलो चरणमा परेको बताए । साथै उनले सन् ८० को दशकमा उत्कृष्ट लयमा रहेको नेपाली तेक्वान्दोले फेरी फड्को मार्ने बिश्वास ब्यक्त गर्दै महासंघ यसमा सकरात्मक रहेको प्रतिक्रिया दिए । महासंघका अध्यक्ष छोले सुरुमा २०० जना तेक्वान्दो खेलाडीलाई सहुयोग गरे पनि दिर्घकालीन योजना बनाइने जानकारी दिए । छोले महासंघले आप्रबासीका लागि पनि ओलम्पिकको ढोका खोल्ने निती बनीसकेको र यो क्रममा अन्तराष्ट्रिय ओलम्पिक कमिटी पनि सहयोगी रहेको बताए । नेपाल तेक्वान्दो संघका अध्यक्ष प्रकास समसेर राणले भुकम्प पछि नेपालले राखेको प्रश्ताबलाई महासंघले स्वीकार गरेको बताए । संघका महासचिव दिपराज गुरुङले महासंघको सहयोग महत्वपूर्ण हुने बताए । हाल छो सहित अफ्रिकन तेक्वान्दो युनियनका अध्यक्ष अहमद एलफोली, युरोपियन तेक्वान्दो युनियनका अध्यक्ष अत्हाना सियोस प्रागालोस, ओसिएना तेक्वान्दो युनियनका अध्यक्ष जोन कोत्सीफास, एसियाली तेक्वान्दो युनियनका अध्यक्ष क्यु सियोक लि, तेक्वान्दो महासंघका डाइरेक्टर जेनरल रोजर पियारुली, तेक्वान्दो महासंघका सल्लाहकार चाङसिन चोइसहितको टोली नेपालमा रहेको छ । उक्त टोलीले सिन्धुपाल्चोकका भूकम्पपी पीडितलाई राहत वितरणगर्ने कार्यक्रम रहेको छ । त्यस्तै पोखरामा हाइ अल्टीच्यूटमा हुने पुम्से प्रतियोगिताको स्थलगत निरीक्षण पनि गर्ने नेपाल तेक्वान्दो संघले जनाएको छ ।