नेपाल गोजुरियो कराते डो संघ शाखा डोजो स्वयम्भुले दुइ कराते कर्मीलाई सम्मान गरेको सम्मानीत हुनेमा अमेरिकामा भएको फीका ओपन अन्तराष्ट्रिय कराते प्रतियोगिताको ७५ किलो तौल समुहमा काश्य विजेता सुनील लामा र स्वीडेनमा भएको स्कटहोम ओपन कराते प्रतियोगिताको ६० किलो तौल समुहका रजत पदक विजेता फूर्वा सिंह तामाङ्ग रहेका छन् । सुनील ११ औ साग खेलका स्वर्ण पदक धारी हुन् । उनीहरुलाई प्रमुख अतिथी राज्यमन्त्री मञजु कुमारी चौधरी र नेपाल कराते महासंघका अध्यक्ष दावा गुरुङ्गले ५० हजार रुपैया सहित पुरस्कृत गरे । आयोजक सस्थाका उपाध्यक्ष सन्तोष राइको संयोजकत्वमा कार्यक्रम भएको थियो ।